غور ولایت کې د ۸،۵ مېلیونه افغانیو په لګښت د ۳۷ بابه ښوونیزو مرکزونو ودانۍ بیاورغول شوې
د ۳۴ بابه ښوونځيو، ۲ بابه دیني مدارسو او یو باب دارالحفاظ بیارغونې پروژې، چې څه موده وړاندې پیل شوې وې؛ د پوهنې وزارت له بودیجې څخه د ۸ مېلیونه ۵۵۶ زره ۲۱۷ افغانیو لګښت سره په اساسي ډول ورغول شوې او بیاځلې ګټې اخیستنې ته وسپارل شوې.
د يادونې وړ ده، چې د همدغو تاسيساتو بيارغونه او ترمیم د پوهنیز کيفيت لالوړوالي په برخه خورا مثبت اغېز لري، ځکه چې په رغولو سره يې د دغه ولايت د ښوونځيو د زده کوونکو ډېرې ستونزې راکمې شوې او ورسره سم د زده کوونکو لپاره د سالم چاپېریال زمينه هم برابره شوه.
