فراه ولایت کې د څوارلسم پاسه ښوونکو د آزموینې بهیر پیل شو
پوهنې وزارت، فراه: فراه ولایت کې له څوارلسم ټولګي څخه فارغ شويو ښوونکو نه د تحصیلي کچې د لوړولو په موخه د فراه د لوړه زده کړو موسسې لخوا اختصاصي آزموینه د وري په ۴ مه واخیستل شوه.
په دې آزموینې کې له يادو شويو ښوونکو څخه (۱۵۰) تنه هغو نارينه اوښځينه ښوونکو ګډون کړی و، چي عادي يا غیر کریدیت سيستم درسونه يې لوستي و، او تر بریالي کيدو وروسته به له تنزیل پرته په پنځلسم ټولګي کې شامل کړای شي.
د فراه د پوهني رئيس استاد وحیدالله شیراني د يادې پروسې په اړه خوښي څرګنده. کړه او وې ویل: د تحصیلي کچي لوړوالۍ د ښوونې پر کيفيت مستقیمه او مثبته اغیزه لري؛ نوموړي له ښوونکو وغوښتل څو د خپلې تحصیلي کچې د لوړولو په پار هلې ځلې وکړي.
دا په داسې حال کې ده، چې په راتلوونکي ښوونیز کال کې به ۳۲۰ تنه ۱۴ پاس ښوونکي په ۸ بیلابیلوڅانګو کې د فراه د لوړو زده کړو موسسې لخوا جذب شي.
