له ولایتونو څخه د پوهنې څو لنډ خبرونه
- میدان وردګ:
د میدان وردګ ولایت سید آباد ولسوالۍ خلکو له څو بابه ښوونځیو سره ۱۹۰۰۰ افغانۍ مرسته کړې ده، چې یاده مرسته د څښاک پاکو اوبو ته د لاسرسي او نورو اړینو اړتیاوو په برخو کې لګول شوې ده.
- کندهار:
په کندهار ولایت کې د سویل لویدیز زون د ښوونکو مسلکي پراختیا آمریت لخوا، د یوې همکارې ادارې په مرسته، په ولایتونو او ولسوالیو کې د ښوونکو د مسلکي پراختیا لپاره د "غوره روزونکي" په نوم یو سیمینار جوړ شو.
- هلمند :
د هلمند ولایت د نوزاد او واشیر ولسوالیو د مدارسو د آمرینو او مهتممینو لپاره د مسلکي وړتیاوو لوړولو په اړه یو ورځنی سیمینار ترسره شو.
- پکتیکا:
د پکتیکا ولایت زیروک ولسوالۍ د خلکو لخوا د خدام القرآن دیني مدرسې جوړولو لپاره ۲.۵ جرېبه ځمکه وقف او سند یې په رسمي ډول د یاد ولایت پوهنې ریاست ته وسپارل شو.
