هرات ولایت کې د دوو ښوونځیو ودانۍ پرانيستل شوې
پوهنې وزارت، هرات: د سل ورځې او سل زیري پروګرام په چوکاټ کې د پوهنې اونۍ په پیل سره، د هرات ولایت ګذرې ولسوالۍ کې د سرآسیاب د نجونو ښوونځي او انجیل ولسوالۍ کې د عبدالسلام دهزاد ښوونځي ودانۍ له ۵۰ نورو ښوونځيو سره يو ځاى په انلاین ډول د ویډیو له لارې د جلالتمآب ولسمشر ، لومړي مرستیال، د پوهنې وزارت سرپرستې، والیانو او د پوهنې رئيسانو په ګډون سره پرانستل شوې.
ياد شوي ښوونځي د اقرا پروژې له لارې د شاوخوا لس نيم ميليونه افغانيو په لګښت جوړ شوي دي.
د یادو ښوونځیو ودانۍ هره يوه لس او اته ټولګي او نورې ښوونيزې آسانتياوې لري چې په پرانیستلو سره يې د سیمې ۱۵۰۰ ماشومانو ته د زده کړو خوندي چاپیریال برابر شو.
