هلمند کې د نجونو نړیواله ورځ ولمانځل شول
د پوهنې وزارت_هلمند: د هلمند ولایت د پوهنې ریاست او یونیسف موسسي لخوا د نجونو نړیواله ورځ د یوي شاندارې غونډې په ترځ کې ولمانځل شوه .
په یاده غونډه کي د هلمند ولایت د پوهني ریاست مسوولینو برسیره د یونیسف اداری مسوول، د دولتی ادرو یو شمیر مسوولینو، ښوونکو او زده کوونکو ګډون درلود.
د غونډې ګډون والو د انجونو د حقه حقوقو خونديتوب په هکله خبري وکړې . دوي په خپلو خبرو کي د ښځینه زده کوونکو یا انجونو لپاره زده کړه ډيره اړینه یاده کړه او په وینا يې چي یوه ښځه کولای شي د خپلي کورنۍ ټول ماشومان په ښه توګه وروزي.
د غونډي ګډونوالو وویل د اسلام مبارک دین د علم او پوهني په برخه کي پر مسلمانو امر کړی ترڅو د علم او پوهي په تر لاسه کولو کي هر ډول منډي ترنډي پر ځان ومني او زده کړي وکړي ترڅو چي د ژوندانه له ښېګڼو برخمن شي او ټولنه هم ترې مثبته ګټه پورته کړي.
د پوهني ریاست مسؤلینو همدا راز له ټولو هلمند مېشتو کورنیو غوښتنه وکړه ترڅو خپلي ماشومانې انجوني ښوونځيو او مدارسو ته ولېږي چي له خپلو هغه حقوقو برخمني شي، چي د اسلام مبارک دین پرې امر کړي.
د غونډي په وروستیو کي د پوهنې ریاست لخوا پر نجونو زده کوونکو یو شمیر ډالۍ وویشل شوې.
