په بلخ ولایت کې د یو باب ښوونځي نوې ودانۍ جوړه او ۲۶ بابه ښوونځي بیارغول شوي
د ماشومانو لپاره د لاښه تعلیمي چاپېریال برابرولو په موخه، د ۱۴۰۴ لمریز کال په اوږدو کې، د بلخ ولایت په مرکز او مختلفو ولسوالیو کې ۱۶ بابه ښوونځي د پوهنې وزارت له بودیجې څخه د ۹ مېلیونه ۷۱۸ زره ۹۱۷ افغانیو په لګښت ترمیم او بیارغول شوي دي.
د یاد ولایت په مرکز او ولسوالیو کې ټولټال ۱۰ بابه ښوونځي د پوهنې ملاتړ کونکو ادارو لخوا بیارغول شوي، چې ۲۷۸ زره ۴۲۷ ډالر لګښت پرې راغلی.
په ورته مهال، د بلخ ولایت په نهر شاهي ولسوالۍ کې د فردوسي ښوونځي جوړولو لپاره ۱۸۸ زره ۷۹۴ ډالر مصرف شوي، چې د همکارو ادارو لخوا ورکړل شوي دي.
