په دایکنډي ولایت کې د یو باب ښوونځي د ودانۍ بنسټ ډبره کېښودل شوه
د دایکنډي ولایت شهران ولسوالۍ اړوند د مملوق لېسې د ودانۍ جوړولو بنسټ ډبره، چې د وه نیم جرېبه ځمکه یې د دوه مېلیونه افغانیو په لګښت د یادې ولسوالۍ د خلکو لخوا د همدغې لېسې جوړولو لپاره وقف شوې وه، نن د دایکنډي ولایت پوهنې رئیس الحاج مولوي رحمت الله قندیلي، مسئولینو، سیمه ییزو چارواکو، علماءکرامو او د ولسوالۍ د مشرانو په حضور کې کېښودل شوه.
د لېسې دغه ودانۍ، چې ۸ درسي او ۴ ادارې خونې به ولري، په پلان کې ده، د عامو خلکو په مرسته د ۶۰۰ زره افغانیو لګښت سره ورغول شي.
د پوهنې وزارت مشرتابه د هېواد د خلکو، په ځانګړې توګه د دایکنډي ولایت علم پروره ولس، له مادي او معنوي مرستو څخه مننه او قدرداني کوي.
