په غزني ولایت کې د ۷.۶ مېلیونه افغانیو په لګښت د ښوونځي نوې ودانۍ پرانیستل شوه
د تعلیمي بنسټونو پیاوړتیا او د هېواد ټولو ماشومانو ته د زدهکړو فرصت برابرولو په موخه، د غزني ولایت قرهباغ ولسوالۍ اړوند په شاکينوکه کلي کې د ابوریحان البیروني ښوونځي ودانۍ جوړه او ګټې اخیستنې ته وسپارل شوه.
د یاد ولایت پوهنې مسئولین وایي، چې دغه ښوونځی د سیمې د خلکو د مالي همکاریو په پایله کې د ۷.۶ مېلیونه افغانیو په لګښت جوړ شوی دی.
د ښوونځي نوې ودانۍ په دوو پوړونو کې رغول شوې، چې ۱۵ درسي خونې، یوکتابتون، لابراتوار او نورې اړینې اسانتیاوې لري.
د غزني پوهنې رئیس محترم الحاج مولوي میر نصیر احمد حسيني، د پورته ذکر شوي ښوونځي د پرانیستې په مراسمو کې د ښوونې او روزنې پر اهمیت خبرې وکړې او د سیمهییزو خلکو د ملاتړ او همکارۍ څخه یې مننه وکړه.
