په غزني ولایت کې یوه دیني مدرسه پرانیستل شوه
د "مصباح العلوم" دیني مدرسه، چې د غزني ولایت قره باغ ولسوالۍ د فتح خان په کلي کې د ۲ جرېبه ځمکې په ساحه کې د ۱.۲ مېلیونه افغانیو په لګښت د سیمه ییزو خلکو او د پوهې مینه والو په مالي ملاتړ جوړه شوې، نن د پوهنې چارواکو او علماءکرامو په حضور کې پرانیستل شوه.
د مدرسې دغه ودانۍ ۱۰ درسي خونې، یو تالار او د اوبو رسولو منظمه شبکه لري، چې په بشپړېدو سره یې د قره باغ ولسوالۍ سلګونو زدهکوونکو ته د دیني علومو زدهکړې لپاره معیاري اسانتیاوې برابرې شوې.
