په فاریاب ولایت کې د پوهنې ریاست سره د نږدې ۱۵ زره ټوکه درسي کتابونو مرسته وشوه
په فاریاب ولایت کې د NRC سیمه ایز دفتر په دې وروستیو کې د دغه ولایت د پوهنې ریاست په همغږۍ او د دغه ولایت د ستاره لېسې لپاره ۱۴۸۰۰ ټوکه درسي کتابونو مرسته وکړه.
د فارياب ولايت د پوهنې مسوولين وايي، د دې ښوونځي زده کوونکو ته د دغو کتابونو په وېشلو سره به د ١٧٥٠ زده کوونکو د درسي کتابونو د کمښت ستونزه هواره شي.
دفارياب ولايت د پوهنې ريس له دغې موسسې له مرستو مننه وکړه او هيله يې څرګنده کړه چې دغه موسسه به په راتلونکې کې په نورو برخو کې هم د پوهنې له ریاست سره مرسته وکړي.
