په فاریاب ولایت کې د یو باب ښوونځي د ودانۍ بنسټ ډبره کېښودل شوه
د فاریاب ولایت ګرزیوان ولسوالۍاړوند د قلعه خواجه کُردي ښوونځي بنسټ ډبره، د یاد ولایت پوهنې رئیس الحاج مولوي طاهر جواد له خوا کېښودل شوه.
په پلان کې ده، د یاد ښوونځي ودانۍ د ۱۹،۶ مېلیونه افغانیو لګښت سره په پاخه او اساسي ډول ورغول شي، چې پیسې یې د پوهنې په برخه کې د یو همکار بنسټ له خوا ورکول کېږي.
په یادو مراسمو کې د پوهنې رئيس له خلکو او علماوو وغوښتل، تر څو د پوهنې وزارت او د فارياب ولايت پوهنې رياست له پروګرامونو سره مادي او معنوي ملاتړ وکړي.
بل خوا يو شمېر نورو کسانو د هېواد له پوهنیزنظام څخه خپل هر ډول ملاتړ اعلان کړ.
