په مرکز او ولایتونو کې د پوهنې خبرونه

media-moe
سه‌شنبه ۱۴۰۱/۸/۱۰ - ۱۲:۴۳
په مرکز او ولایتونو کې د پوهنې خبرونه

هرات:
د هرات ولایت د خصوصي ښوونځیو د اتحادیې په استازیتوب د سیرت النبی سیالۍ د ۳۶۰۰ خصوصي او دولتي ښوونځیو د زده کوونکو ترمنځ د اسلام د ستر پیغمبر حضرت محمد (ص) له سیرت او سنت سره د زده کوونکو د ښه پوهاوي په موخه ترسره شوې. په دې غونډه کې چې د پوهنې ریاست مسوولینو، علماوو، د دغه ولایت د خصوصي ښوونځیو مسوولینو او مدیرانو ګډون کړی و. د هرات د پوهنې رييس د اسلام د ستر پيغمبر د سيرت په باب د خبرو په ترڅ کې د هرات ولايت د خصوصي ښوونځيو له اتحاديې څخه د دغې سيالۍ د پيل له امله مننه او قدرداني وکړه.
دایکندي:
د دايکنډي ولايت د پوهنې ريس مفتي رحمت الله مدثر او ورسره ملګري پلاوي يې د دغه ولايت د سيوک شیبر له ښوونځيو څخه ليدنه وکړه، د يادو ښوونځيو د اداري او تدريسي مسايلو د ارزولو ترڅنګ يې د ديني او معاصرو علومو په حاصلولو او په ښوونځیو کې د اسلامي شریعت د اصولو په مراعتولو باندې یې تینګار وکړ.
همدا ډول:
د دایکنډي ولایت د پوهنې ریاست د سواد زده کړې آمریت له خوا د دغه ولایت په نیلي ښار کې د سواد زده کړې د ارزښت په اړه تبلیغاتي کمپاین ترسره شو، چې په ټولنه کې د سواد د اهمیت په اړه پیغام لرونکي بینرونه او پوسټرونه د ودانیو پر دیوالونو ولګول شو.
کابل:
د کابل ولایت د پوهنې د څارنې کمېټې غړو د بونیه قره لومړني ښوونځي د اداري او تدریسي اسنادو د کتلو ترڅنګ د زده کوونکو د علمي کچې ارزونه هم وکړه او د دې لېسې ښوونکو ته یې لازمې سپارښتنې وکړې.
فراه:
د فراه د پوهنې د څارنې ټیم د برنکتوت، نوبهار او رج لېسو له تدریسي او اداري چارو څخه څارنه او کتنه وکړه او د دغو لېسو زده کوونکي یې درس او زده کړې ته وهڅول او استادان یې په صداقت او زړه سواندۍ سره خدمت ته وهڅول.
نورستان:
د نورستان د پوهنې ریاست د څارنې آمر رحمت الله مبارز د یوه پلاوي په ملتیا د دغه ولایت دواب ولسوالۍ ته سفر وکړ، د ۲۲ ښوونځیو د اداري او تدریسي چارو د ارزونې په ترڅ کې یې د دغو ښوونځیو له مسوولینو سره وکتل او له هغوی یې وغوښتل چې د ښوونځیو د لا ښه والي په برخه کې هڅې وکړي. او له هغوی یې وغوښتل، ترڅو د زده کړو د کیفیت او کمیت په اړه کار وکړي، د بیت المال له وسایلو سره دې له احتیاطه کار واخلي.

تازه خبرونه

پنجشنبه ۱۴۰۴/۶/۶ - ۱۲:۳۲
Background image

د ولایتونو له پوهنې څو خبرونه

هرات

د یوې همکارې تعلیمي ادارې په ملاتړ د هرات ولایت زنده جان ولسوالۍ اړوند د میمیزک ښوونځي سره د ۱۲۰ زره افغانیو مرسته شوې ده.

په دې مرسته کې یو پایه کمپیوټر، تعلیمي کڅوړې او د څښاک. . .

پنجشنبه ۱۴۰۴/۶/۶ - ۱۱:۷
Background image

د نشه‌يي توکو کمولو ملي کمېټې سره د پوهنې وزارت د سواد زده کړې ریاست فعالیتونه

د اسلامي.ا.مارت عالي مقام د هدایت پر بنسټ، د نشه يي توکو کمولو ملي کمېټه تاسیس شوه، چې د پوهنې وزارت هم د دې کمېټې د سواد زده‌کړې څانګې غړی دی.

د هېواد ټولټال ۱۲ رسمي ادارې د دې کمېټې. . .

پنجشنبه ۱۴۰۴/۶/۶ - ۱۱:۴
Background image

د بدخشان ولایت د یو باب لېسې لپاره احاطوي دېوال جوړولو پروژه بشپړه شوه

د بدخشان ولایت یاوان ولسوالۍ د زو لېسې احاطوي دېوال رغولو کارونه په پاخه او اساسي بڼه بشپړ شول.

یاد دېوال چې د پورته ذکر شوي کلي د خیرخواه خلکو په صادقانه همکارۍ بشپړ شوی، ۹۰ متره. . .

BACK TO NEWS