په میدان وردګ ولایت کې د یوه لومړني ښوونځي د بیارغونې چارې پیل شوې
د میدان وردګ ولایت په سیداباد ولسوالۍ کې د عبدالرحمن بن عوف لومړني ښوونځي د بیارغونې عملي چارې، د یاد ولایت د پوهنې رئیس مولوي محمد عثمان حریت له خوا په رسمي ډول پيل شوې.
په ياده پروژه کې احاطوي دېوال، د اوبو رسولو سيسټم او نور اړین ملحقات شامل دي او ټولټال لګښت يې ۷ ميليونه افغانۍ اټکل شوى چې د پوهنې د یو ملاتړ بنسټ له خوا ورکول کېږي.
د میدان وردګ ولایت پوهنې رئبس وویل، موږ نه یوازې دا چې د ښوونې او روزنې په برخه کې هڅې کوو، بلکې د نویو ښوونیزو بنسټونو د بیارغونې په برخه کې هم خپلې هڅې جاري ساتو.
