په میدان وردګ ولایت کې ښوونیزو مرکزونو سره څه د پاسه د ۸۸۰ زره افغانیو مرسته شوې
د میدان وردګ ولایت د دایمیرداد (جلګې) ولسوالۍ اوسېدونکو په یادې ولسوالۍ کې ۹ بابه دیني مدارسو سره ټولټال ۸۸۶ زره ۶۰۰ افغانۍ مرسته کړې ده.
د یاد ولایت پوهنې رئیس مولوي محمد عثمان «حریت» په وینا؛ پورته ذکر شوې پیسې د ځانګړو کړنلارو سره سم د ترمیم او اړینو توکو په پېرودلو کې مصرف شوې دي.
د پوهنې وزارت مشرتابه د هېواد د خلکو، په ځانګړې توګه د میدان وردګ ولایت د علم پروره ولس، له مادي او معنوي ملاتړ څخه مننه او قدرداني کوي.
