په ننګرهار ولايت کې د پوهنې وزارت د نشراتو او عامه اړيکو رياست تر څارنې لاندې د ختیځ زون د پوهنې نشراتي مديريت کارکوونکو لپاره درې ورځنى ښوونيز ورکشاپ پاى ته ورسېد
په ننګرهار ولايت کې د پوهنې وزارت اړوند د ختیځ زون د پوهنې نشراتي مديريت کارکوونکو لپاره، د ياد وزارت د نشراتو او عامه اړیکو رياست تر څارنې لاندې درې ورځنى ښوونيز ورکشاپ پاى ته ورسېد.
د پوهنې وزارت د نشراتو او عامه اړیکو رياست پلاوي ګډون والو ته وويل: له ياد ور کشاپ يې اساسي موخه، د ننګرهار، نورستان، لغمان، او کنړ ولايتونو د نشراتو، کتابونو وېش، ګدامونو مديريت او عامه پوهاي برخو کې د پوهنې کارکوونکو د وړتياوو لوړول وو.
همدارنګه د دغه درې ورځني ورکشاپ په بهير کې د پوهنې وزارت د مسئولينو له لوري ګډون والو ته د معياري خبر ليکلو، کتابونو وېش، عامه پوهاوي، چاپي رسنيو، ګدامونو مديريت او د نشراتو رياست د عمومي کړنو په برخو کې پرېزنټېشنونه وړاندې شول.
د يادولو وړ ده، دا ډول ورکشاپونه چې د يوه مرستندويه بنسټ له لوري تمويليږي، تر دې وړاندې د شمالي، مرکزي، سويل ختيځ، سویل لوېدیځ او ختیځ زونونو اړوند ولايتونو لپاره داير شوى وو.
