په ننګرهار کې د یو ښوونځي نوې ودانۍ پرانیستل شوه
د پوهنې وزارت، ننګرهار: د ننګرهار ولایت د دوربابا ولسوالۍ د ګوړوکو د ښوونځي نوې ودانۍ د نوموړي ولایت د پوهنې ریاست د مالی او اداري مرستیال سید عیسی سادات، قومي مشرانو او زده کوونکو په شتون کې د پټی په پریکولو سره پرانیستل شوه.
په هغه غونډه کې چې په همدې موخه جوړه شوي وه د پوهنې ریاست مالي او اداري مرستیال سید عیسی سادات په خپلو خبرو کې دسېمې خلکو ته د دې ودانۍ د جوړیدو له امله مبارکي وویله او د سیمې له خلکو یي مننه وکړه چې په خپل شخصي لګښت یې دې ښوونځي ته ځمکه وپیرله. د پوهنې ریاست مالي او اداري مرستیال وویل دا زموږ په لومړبتوبونو کې دي چې زده کوونکو ته د زده کړو مناسب چاپیریال رامنځ ته کړو.
د دوربابا ولسوالۍ د ګوړوکو منځني ښوونځي ودانۍ د IRC ادارې په مالي مرسته په ۵۵۰ زره یورو په مجموعي لګښت په دوه پوړونو کې جوړه شوې ، چې ۲۰ درسي، ۸ اداري خونې، د ساینسي مضامینو مجهز لابراتوا، د ۲۲۰۰ ټوکه کتابونو لرونکی مجهز کتابتون، پنځه غرفې عصري تشنابونه، د لمریزې بريښنا شبکه، کمپیوټر خونه، ورزشي میدانونه، دزده کوونکو لپاره میز لرونکې څوکۍ، ۴۰۰ متره داحاطې دیوال او د څښاک د پاکو اوبو ژوره څاه لري چې په جوړیدو سره یې د یاد ښوونځي زده کوونکو د سرپناه ستونزه هواره شوه.
