په هلمند ولایت کې د څه باندې نیم مېلیون افغانیو په لګښت د ښوونځي د غونډو تالار پرانیستل شو
د هلمند ولایت نادعلي ولسوالۍ اړوند ډاکټر محمد خان خروټي ښوونځي د غونډو تالار د یو خیریه بنسټ په همکارۍ د یاد ولایت پوهنې رئیس محترم الحاج مولوي محمد عوض انصاري او د دغه پروګرام د آمرینو په حضور کې پرانیستل شو.
دغه تالار چې د ۵۸۶ زره ۵۰۰ افغانیو په لګښت جوړ شوی، ۲۱۷ پایې څوکۍ، ۹ پایې یو کسیزه کوچونه، ۵ پایې د چای مېزونه او ۱۲۰ متره پردې لري.
د پوهنې رئیس په یوه وینا کې د یاد بنسټ د ملاتړ او صادقانه همکارۍ څخه مننه څرګنده کړه.
نوموړي په شتمنو اشخاصو هم غږ وکړ چې د تعلیمي ادارو د پراختیا لپاره مالي ملاتړ وکړي.
