پوهنې وزیر د بدخشان ولایت علماوو شورا سره په لیدنه کي د یاد ولایت د ښوونې او روزنې ستونزو د حل وعده ورکړه
پوهنې وزارت- کابل:د پوهنې وزیر ډاکتر محمدمیرویس بلخي د بدخشان علماوو شورا غړو سره په لیدنه کې د یاد ولایت د ښوونې او روزنې ستونزو د حل وعده ورکړه.
دا لیدنه چي نن د چنګاښ ۲۹ مه پوهنې وزارت کې تر سره شوه؛ ډاکتر بلخي وویل چې د پوهنې وزارت مشرتابه د عصري علومو تر څنګ دیني علومو ته یو شان پاملرنه کوي او د ښوونې او روزنې په برخه کې د علماوو د ملاتړ غوښتونکي شو.
د پوهنې وزیر په ټول افغانستان کې د ښوونې او روزنې خدمتونو پراختیا د پوهنې په لسیزه کې د وزارت د لومړیتوبونو په توګه وښوده.
د بدخشان علماوو شورا په دي لیدنه کي د یاد ولایت د ښوونې او روزنې ستونزې د پوهنې وزیر سره شریکې کړي.
