پکتیکا ولایت کې د یو باب مدرسې چارې روانې دي
د پکتيکا ولايت سروبي ولسوالۍ اړوند په تیرخېل حقاني کلي کې د يوې کلیوالي مدرسې د ودانۍ بنسټ ډبره، چې پخوا اېښودل شوې وه، اوسهمال یې چارې ٧٥ سلنه بشپړې شوې او ټاکل شوې چې په نیږدې راتلونکي کې په رسمي ډول پرانيستل شي.
د مدرسې دغه ودانۍ په ۴ جرېبه ځمکه کې جوړېږي، کوم چې ځمکه یې د سيمې اوسېدونکو له خوا پوهنې ته ځانګړې شوې او د جوړېدو لګښت يې هم ۲۵۰ زره افغانۍ اټکل شوی دی، چې د يادې ولسوالۍ د پوهنې مينه والو له لوري تمویلېږي.
د پوهنې مسئولین وایي، چې د یادې مدرسې په بشپړېدو سره به شاوخوا ١٢٠ تنو زده کوونکو ته د زده کړو خوندي چاپېریال برابر شي.
د پوهنې وزارت مشرتابه د پکتیکا ولایت سروبي ولسوالۍ د علم پروره خلکو له مرستو مننه کوي.
