ډاکتر بلخي د کابل ښار وروستی چاودني زیانمن شوي زده کوونکو سره په لیدنه کي د "ښوونځي ډیرخوندیتوب میکانیزم" تر سره کیدو خبر ورکړ
پوهنې وزارت- کابل: د کابل ښار وروستی چاودني چي د عزیر دوهم نمبر خصوصي ښوونځي ته نژدي د یو شمیر زده کوونکو د ټپي کیدو لامل شو. پوهنې وزیر د دي ښوونځي څخه د لیدني پر مهال د یاد ښوونځي ښوونکو او زده کوونکو سره ولیدل.
دا لیدنه نن ورځ د چنګاښ ۲۳مه پداسي حال کي تر سره شوه چي د کابل ښار ۸ مه تعلیمي ناحيي وروستی چاودني له امله زیانمن شویو زده کوونکو ته د پوهنې وزارت مشرتابه په لارښوونه د رواني ناروغيو ګرځنده ټیم د زده کوونکو د رواني حالت د ښه والي په خاطر استول شوی دی.
ډاکتر بلخي د زده کوونکو رواني او جسمي حالت د ښه والي څخه خوښي وښوده او هغوی يي په جدي توګه زده کړو لپاره چي دافغانستان ښي او ارامه راتلونکي سبب وګرځي وهڅول.
پوهنې وزیر له یو شمیر زده کونکو سره د ښوونې اړتیاوو په باره کې خبري وکړي او وعده يې ورکړه چي مخکي له مخکي به د ښوونځيو ښه مصئونیت لپاره کار وکړي.
د یادوني وړ ده چي د کابل ښار ۸ تعلیمي ناحیه کي وروستي چاودنه د ۵۰ زده کوونکو د ټپي کیدو لامل شوه او د پوهنې وزیر په جدي لارښوونه د هغوي ښي روغتیا لپاره په خپل وخت اقدامات تر سره شول.
