کاپیسا ولایت کې یو باب ښوونځي ته درسي توکي او حفظ الصحوي وسایل ووېشل شول
د ښاري کلتور ودې او د سالم ښوونیز چاپېریال رامنځته کولو لپاره، د کاپیسا ولایت ښاروالۍ د یاد ولایت خال محمد شهید عالي لېسې ته حفظ الصحوي وسایل او درسي توکي ووېشل.
په یاد پروګرام کې ۱۴ قلمه حفظ الصحوي او درسي توکي چې ټولټال ۱۱ زره ۳۴۴ افغانۍ لګښت لري، لېسې ته ځانګړي او ووېشل شول.
په ورته مهال، د یاد ولایت د ښاروالۍ چارواکو ژمنه وکړه، چې په راتلونکي کې به د کاپیسا ولایت له نورو تعلیمي مرکزونو سره هم دا ډول همکاریو ته دوام ورکړي.
