د فصل نوين ټولني د پوهنې وزیر بریالي کارونه وستایل
د پوهنې وزارت- کابل: دافغانستان فصل نوین ټولني د پوهنې وزیر ډاکتر محمدمیرویس بلخي سره په لیدنه کي د افغانستان په ښوونې او روزنې د هغه له تاثیر لرونکو او ګټورو خدمتونو څخه ستاینه وکړه او هغه يي د کابیني یو بریالي وزیر یاد کړ.
په دي لیدنه کي چي پوهنې وزارت کي تر سره شوه د ښوونیز خدمتونو د لوړوالي لپاره فصل نوين ټولني یو شمیر وړاندیزونه د پوهنې له وزیر سره شریک کړل.
د پوهنې وزیر ډاکتر بلخي د پوهنې څخه د مدني ټولنو فعالانو له ملاتړه هر کلي وکړ او له هغوي څخه يي په ولایتونو او لري سیمو کي د پوهنې، د ماشومانو په ځانګړي ډول د نجونو په برخه کي د زده کړو ودي په موخه د همکاري غوښتنه وکړه.
د فصل نوين ټولنې غړو په دي لیدنه کي د پوهنې وزارت له مشرتابه سره ژمنه وکړه تر څو د ماشومانو زده کړي په ځانګړي ډول زده کړو ته د نجونو تشویق او شاملیدو په موخه د پوهنې له وزارت سره همکاري وکړي.
د یادونې وړ ده چي د افغانستان فصل نوین ټولنه اوسمهال په ۱۶ ولایتونو کي فعالیت لري.
