د کابل ښار له وروستي چاودني ورسته د پوهنې وزیر د ستاره له عالي لیسي څخه لیدنه وکړه او اوښتي زیان يي وڅيړه
پوهنې وزارت- کابل:پوهنې وزیر ډاکترمحمدمیرویس بلخي د مرکز او ولایتونو ښوونځیو د لیدنو په دوام داځل د ستاره عالي لیسي څخه چي په ۹ تعلیمي حوزه کي واقع ده او د وروستي چاودني څخه یي زیان لیدلي وو د زده کوونکو د حالت او ښوونځي ته د اوښتي زیان څیړنه وکړه.
دا لیدنه چي نن ورځ تر سره شوه ډاکتر بلخي د ستاره ليسي له ټولګیو څخه لیدنه وکړه او له زده کوونکو سره مخامخ او په صمیمانه توګه د هغوي د زده کړي او په افغانستان کي د سولي او آرامتیا په راتلو خبري وکړي.
پوهنې وزیر همدارنګه د لیسي له بیلابیلو برخو څخه لیدنه وکړه او د کابل ښار د وروستیو چاودنو له امله د لیسې زیانمني برخي د بیا جوړولو لارښوونه وکړه.
د یادونې وړ ده چي ستاره عالي لیسه د کابل ښار په ۹ تعلیمي حوزه کي ۸۲۰ هلکانو او نجونو زده کوونکو ته زده کړي ورکوي او ۲۶ درسي ټولګي لري چي د ورځي دوه وخته ښوونیز خدمتونه وړاندي کوي.
