عبدالسبحان رؤف د پوهنې وزارت د مالي او اداري نوي معین په توګه وپیژندل شو
پوهنې وزارت- کابل: عبدالسبحان رؤف د پوهنې وزیر ډاکتر محمدمیرویس بلخي او د ولسمشرۍ ماڼۍ د دفتر رئیس ډاکتر فیض الله کاکړ له لوري د پوهنې وزارت د مالي او اداري نوي معین په توګه وپیژندل شو او په دې وزارت کې یي خپله دنده پیل کړه.
په دې غونډه کې د جمهوري ریاست د پروګرامونو او حکومتولۍ مرستیال هاورن چخانسوري، د ملي امنیت د شورا مرستیال حمید طهماسبي او د افغانستان جمهوري ریاست یو شمیر چارواکو، د پوهنې وزیر، معینانو، رئیسانو او د مشرتابه یو شمیر غړو هم برخه اخیستي وه.
پوهنې وزیر ډاکتر محمدمیرویس بلخي د پوهنې وزارت د مالي او اداري پخواني معین ډاکتر سید حمیدالله له نه ستړې کیدونکو هڅو څخه ستاینه وکړه او د پوهنې وزارت د مالي او اداري نوي معین په توګه یې عبدالسبحان رؤف ته مبارکي ورکړه او د دې معینیت یو لړ مهم مسئولیتونه يې په ګوته کړل.
په دې غونډه کې د جمهوري ریاست لوړ مقام د دفتر رئیس ډاکتر فیض الله کاکړ د پوهنې وزارت وروستۍ لاسته راوړنې بریالی او غوره وبللي.
د پوهنې وزارت مالي او اداري نوي معین عبدالسبحان رؤف د خپلو خبرو په لړ کې د افغانستان د جمهور رئیس او د پوهنې وزیر له باور څخه یې مننه وکړه او ژمنه یې وکړه چې د افغانستان ماشومانو لپاره د ښوونیزو خدمتونو ښه والي په لاره کې به په ښه توګه خپله دنده تر سره کړي.
د دې غونډې په پای کې د ډاکتر سید حمیدالله د ۱۰ کلنې دورې له کړنو څخه د مننلیک په ورکولو سره ستاینه وشوه.
د یادونې وړ ده چې د پوهنې وزارت مالي او اداري نوۍ معین وړاندې له دې د ولسمشرۍ ماڼۍ د دفتر ریاست د پالیسي، نظارت او بیاکتنو مرستیال په توګه دنده تر سره کوله او همدارنګه هغه د پوهنې په وزارت کې په ۸۰ لسیزه کې ځلانده مخینه لري.
