لوګر ولايت کې ۳۶۰۰ زده کوونکي له دولسم ټولګي څخه فارغ شول
پوهنې وزارت، لوګر: لوګرولایت کې ۳۶۰۰ نجونې او هلکان د دولس کلنې زده کړيزې دورې له بشپړولو وروسته له دولسم ټولګي څخه فارغ شول.
په دې اړه جوړه شوې غونډه کې د پوهنې ریاست چارواکو، دیني عالمانو، قومي مشرانو، فارغ شوېو زده کوونکو او د دوی د کورنیو غړو برخه اخیستې وه.
په فارغ شوېو زده کوونکو کې ۴۷۵ نجونې او ۳۱۲۵ هلکان شامل دي، چې له ۶۷ بیلا بیلو ښوونځيو څخه فارغ شوي دي.
د لوګر د پوهنې رئیس سید عزیز احمد هاشمي د یادو زده کوونکو فارغېدل د لوګر او هېواد لپاره یوه ستره لاسته راوړنه ګڼي او په دې اړه د لوګر ټولو اوسېدونکو ته مبارکي وایي.
نوموړو فارغانو ژمنه وکړه، چې دوی به خامخا لوړې زده کړې کوي او خپل راتلونکی به روښانه کوي.
