ننګرهار ولايت کې یوه ښوونځي ته نوې ودانۍ جوړه شوه
پوهنې وزارت، ننګرهار: د ننګرهار ولایت خوږیاڼیو ولسوالۍ کې د لوخۍ لومړني ښوونځي ودانۍ ګټې اخیستنې ته وسپارل شوه.
یاده ودانۍ په پاخه او اساسي ډول د اقرا برنامې له لورې د څلورنیم میلیونه افغانيو په لګښت په یوه پوړ کې جوړه شوې چې شپږ ټولګي او اداري خوني، درې تشنابونه، د پاکو اوبو ژوره څاه او نورې اړینې ښوونیږي آسانتیاوې لري چې په جوړیدو سره يې شاوخوا دوه سوه زده کوونکو ته د زده کړو خوندي چاپيريال برابر شو.
د پوهنې رئیس حسیب الله شینواري د دې ښوونځي د پرانيستې په پار د سیمې خلکو ته مبارکي وویله او هغوې يې معارف سره د مرستو لپاره وهڅول،پوهنې رئیس له ښوونکو او زده کوونکو وغوښتل چې د ودانۍ ساتنې ته پام وکړي.
