د پکتيکا پوهنې رياست ته د اداري او مالي چارو مرستیال معرفي شو
پوهنې وزارت، پکتیکا: د پکتيکا ولايت د پوهنې رياست اداري او مالي چارو مرستیال حاجي اکبر منانزوی د يو لړ ځانګړو مراسمو په ترڅ کې د ياد ریاست کارکوونکو ته ور وپيژندل شو.
په دې مراسمو کې د ولايتي ادارې استازو، د پوهنې رئيس محراب الدين شفق او د دې رياست کارکوونکو ګډون کړی وو.
د پوهنې رئيس محراب الدين شفق وويل: حاجي اکبرمنانزوی د پوهنې برخه کې پراخه تجربه لري او د اوسنۍ دندې په مټ کولاى شي د پوهنې برخه کې ډير پرمختګ وکړي او شته ستونزو ته ښيې حل لارې ولټوي.
همدا راز د اداري او مالي چارو نوي مرستیال حاجي اکبر منانزوی له پوهنې وزارت څخه مننه وکړه، چې دا يې د دې دندې جوګه وګڼه، نوموړي زیاته کړه، له تيرو تجربو څخه په استفادې سره به د پوهنې کاروان د لا ګړنديتوب لپاره هلې ځلې وکړي.
