د پوهنې وزارت د سرچینو او اداری معین د غزني ولایت له مدرسو څخه لېدنه وکړه

media-moe
یکشنبه ۱۴۰۱/۸/۱ - ۱۳:۴۹
دیدار معین منابع و اداره وزارت معارف از مدارس ولایت غزنی

د پوهنې وزارت د سرچینو او اداری معین شیخ الحدیث مولوي سعید احمد شهیدخیل او ورسره مل پلاوي هر یو د خصوصي زده کړو رئیس، مولوي عبدالرحمن حمیدي د دارالعلومو رئیس مولوي عبدالقدوس قدوسي او د دغه وزارت د تقنین او پالیسۍ رئیس مولوي محمد رحیم ایوب غزني ولایت ته د خپل رسمي سفر په ترڅ کې د موی مبارک دارالقراء مدرسې، عبدالله بن عباس (رض) له دارالحفاظ او عبدالله بن عباس (رض) له مفسر خصوصي مدرسې څخه لیدنه وکړه.
چې د یادو مدرسو د مسوولینو او زده کوونکو له خوا دوی ته ښه راغلاست وویل شول
ورپسې د پوهنې وزارت مرستیال په ټولنه کې د علماوو رول او مقام ته په اشارې سره وینا وکړه او ویې ویل: له سپېڅلو ځایونو، جوماتونو او مدرسو سره مرسته کول جاریه صدقه شمېرل کېږي. له خلکو په ځانګړي ډول له سوداګرو یې وغوښتل چې په دې برخه کې مادي او معنوي مرستې وکړي.
ده وويل: له مدرسو سره مرسته کول د دیني زده کړو د کيفيت په لوړولو کې مرسته کوي او د ټولنې د اصلاح او پرمختګ بنسټونه پياوړي کوي.
د پوهنې وزارت مرستیال  د یادو مدرسو د مسوولینو ستونزې او نظریات واوریدل او ژمنه یې وکړه، چې د پوهنې وزارت به ستاسو د ستونزو د حل لپاره هڅې وکړي او د اسانتیاوو په برابرولو کې به خپلې هڅې جاري وساتي.
د غونډې په پای کې یې ممتازو زده کوونکو ته د ډالۍ په ورکولو سره زده کړو ته وهڅول .
غونډه د دعا په لوستلو سره پای ته ورسیده.

تازه خبرونه

پنجشنبه ۱۴۰۴/۶/۶ - ۱۲:۳۲
Background image

د ولایتونو له پوهنې څو خبرونه

هرات

د یوې همکارې تعلیمي ادارې په ملاتړ د هرات ولایت زنده جان ولسوالۍ اړوند د میمیزک ښوونځي سره د ۱۲۰ زره افغانیو مرسته شوې ده.

په دې مرسته کې یو پایه کمپیوټر، تعلیمي کڅوړې او د څښاک. . .

پنجشنبه ۱۴۰۴/۶/۶ - ۱۱:۷
Background image

د نشه‌يي توکو کمولو ملي کمېټې سره د پوهنې وزارت د سواد زده کړې ریاست فعالیتونه

د اسلامي.ا.مارت عالي مقام د هدایت پر بنسټ، د نشه يي توکو کمولو ملي کمېټه تاسیس شوه، چې د پوهنې وزارت هم د دې کمېټې د سواد زده‌کړې څانګې غړی دی.

د هېواد ټولټال ۱۲ رسمي ادارې د دې کمېټې. . .

پنجشنبه ۱۴۰۴/۶/۶ - ۱۱:۴
Background image

د بدخشان ولایت د یو باب لېسې لپاره احاطوي دېوال جوړولو پروژه بشپړه شوه

د بدخشان ولایت یاوان ولسوالۍ د زو لېسې احاطوي دېوال رغولو کارونه په پاخه او اساسي بڼه بشپړ شول.

یاد دېوال چې د پورته ذکر شوي کلي د خیرخواه خلکو په صادقانه همکارۍ بشپړ شوی، ۹۰ متره. . .

BACK TO NEWS