د پوهنې وزارت د دعوت او ارشاد ریاست د کړنو اوونیز راپور
له شنبې ۱۴۴۵/۱۰/۱۸هجري قمري تر پنجشنبې ۱۴۴۵/۱۰/۲۳هجري قمري (د غویي/ثور میاشتې له آتمې نېټې تر ۱۴۰۳/۲/۱۳ لمریز).
په تېره اوونۍ کې د پوهنې وزارت د دعوت او ارشاد ریاست مسئولینو او مبلغینو د کابل ولایت میربچه کوټ ولسوالۍ اړوند له نمبر یک او نمبر ۲ او ده سبر ولسوالۍ له ده یحی لېسې او همدارنګه د بګرامي ولسوالۍ اړوند د پوهاند عبدالشکور عالي لېسې تر څنګ، له یو شمېر نورو خصوصي ښوونځيو څخه هم لیدنې وکړې.
په دغو ناستو کې د پوهنې وزارت د دعوت او ارشاد ریاست مبلغینو د یادو ښوونځیو له مسئولینو، ښوونکو او زده کوونکو سره له نیږدې وکتل او له هغوی یې وغوښتل، تر څو په خپلو ورځنيو دندو او ټولو چارو کې د اسلام د ستر لارښود حضرت محمد «صلی الله علیه وسلم» پیروي وکړي، خپل صورت او سیرت د حضرت محمد « صلی الله علیه وسلم » په سنتو برابر او د دیني درسونو په حلقو کې فعالانه ونډه واخلي.
همدارنګه د پوهنې وزارت د دعوت او ارشاد ریاست ته له کابل ښار او د ولایتونو له پوهنې ریاستونو څخه لاس ته راغلي راپورونه ښیي چې: په تېره اوونۍ کې هم د پوهنې وزارت د دعوت او ارشاد ریاست په لارښوونه، له ټاکل شوي مهالوېش سره سم هره ورځ د مرکز او ولایتونو په ښوونیزو بنسټونو کې دیني درسونو دوام درلود او د یاد ریاست د مبلغینو له لوري د هغوی درسي بهیر هم له نبږدې څارل شوی دی.
دغه راز په تېره اوونۍ کې په مرکز او ولايتونو کې د پوهنې وزارت د دعوت او ارشاد رياست مسئولينو له استادانو، زده کوونکو او منسوبینو سره له نیږدې وکتل.
له بلې خوا د يادو لېسو مسئولينو او زده کوونکو د پوهنې وزارت د دعوت او ارشاد ریاست له مسئولینو هرکلی وکړ او ژمنه يې وکړه، چې د اسلام د سپېڅلي دين ټول اصول او ارزښتونه به رعايتوي.
