د پوهنې په برخه کې د میدان وردګ ولایت عامو خلکو، شوراګانو او تعلیمي بنسټونو د تېرې یوې میاشتې لاسته راوړنو لنډیز
د میدان وردګ ولایت پوهنې ریاست مسئولین وايي، د تېرې یوې میاشتې په ترڅ کې د یاد ولایت په سیداباد، بند چک، جلریز، نرخ او مرکز بهسودو ولسوالیو کې د خلکو او د پوهنې ملاتړو بنسټونو لخوا د یو مېلیون ۵۰۴ زره ۶۴۸ افغانیو په لګښت، د ۴۰ بابه تعلیمي بنسټونو سره مرستې شوې دي، چې دغه پیسې د بیارغونې، د څښاک پاکو اوبو د څاګانو په کیندنې او د اړتیا وړ توکو پېرلو کې لګول شوې دي.
د يادونې وړ ده، چې د روان ښوونیز کال له پيل تر دې دمه په دغه ولايت کې له پوهنې سره ټولټال ١٧،٢ مېليونه افغانۍ مرسته شوې او له نېکه مرغه دا لړۍ روانه ده.
د پوهنې وزارت مشرتابه، ښوونیز نظام سره د هېواد د خلکو له مادي او معنوي مرستو مننه کوي او په یاده برخه کې د هغوی کړنې ستایي.
