په لوګر ولايت کې د دوه بابه ښوونځيو بيارغونې چارې پیل شوې
د لوګر ولایت په مرکز پل علم ښار کې د شلوک او ملک شیر احمد کوچي ښوونځیو د بیارغونې چارې د پوهنې مسئولینو، یو شمېر علماوو او قومي مخورو په حضور کې په رسمي ډول پیل شوې.
د ښوونځيو په یادو پروژو کې احاطوي دېوالونه، د څښاک پاکو اوبو څاه ګانو کیندل، د اوبو رسولو شبکې غځول، د لمریزې برېښنا ښیښو نصبول او نور اړین ملحقات شامل دي، چې ټول مالي لګښت یې څه باندې ۱۰ ميليونه افغانۍ دى او د يو مرستندويه بنسټ له لوري ورکول کېږي.
د یاد ولايت پوهنې مسئولين وايي، څه موده وړاندې هم د یاد مرسته کوونکي بنسټ له خوا په محمداغې، ازرې او بره کي برک ولسواليو کې د ۷ بابه ښوونځيو ودانۍ تر بیارغونې وروسته ګټې اخيستنې ته وسپارل شوې.
