په بامیان ولایت کې یو باب لیلیه پرانیستل شوه
د باميان ولايت په مرکز کې «د اتفاق دارالعلوم ليليه» د یاد ولايت د والي او پوهنې رياست مسئولينو له لوري، د طالب العلمانو لپاره ګټې اخيستنې ته وسپارل شوه.
د پوهنې رياست د مسئولينو معلوماتو له مخې، دغه ليليه د ٥٠ تنو زده کوونکو ظرفيت لري او ٢٤ ساعته لګښتونه یې د پوهنې وزارت له بوديجې څخه تمويلېږي.
د یاد ولایت والي الحاج مولوي عبدالله سرحدي او د پوهنې ریاست مسئولینو هر یو د هېواد د ماشومانو سالمې روزنې او په هېواد کې د متوازنو ښوونیزو چوپړونو وړاندې کولو په برخه کې د پوهنې وزارت له پاملرنې ډاډ ورکړ.
