په کابل ښار کې د غازي عبدالله عالي لېسې لپاره د نویو درسي ټولګيو چارې پیل شوې
د پوهنې وزارت د چارواکو په وینا، د کابل ښار د اوومې ښوونیزې ناحیې اړوند د عبدالله غازي لېسې د ۷ بابه درسي ټولګيو او احاطوي دېوال د جوړېدو او ترمیم چارې پیل شوې.
د يادو ټولګيو د جوړولو لګښت چې د پوهنې د ملاتړ بنسټ له خوا ورکول کېږي، ۹ مېليونه ۵۴۱ زره ۷۷۲ افغانۍ اټکل شوی دی.
د کابل ښار پوهنې رئيس قاري عبدالباسط حقاني د يادې پروژې د پرانیستې پر مهال په مرکز او ولايتونو کې د ښوونيزو بنسټونو د پراختيا او رغونې په اړه د پوهنې وزارت د تګلارو د بيانولو په ترڅ کې وويل، چې د پوهنې په برخه کې د هېواد د ماشومانو لپاره متوازن ښوونیز او روزنیز خدمتونه د یاد وزارت له کاري لومړیتوبونو څخه دي.
مراسم په دعائیې سره پای ته ورسېدل.
