د پوهنې وزارت د احصائیې او معلوماتو رئیس پروان ولایت ته ولاړ
د پوهنې وزارت د احصائیې او معلوماتو رئیس الحاج مولوي بسم الله«نعماني» د یو تخنیکي ټېم په ملتیا، د پروان ولایت په مرکز او ولسوالیو کې د پوهنې ریاست مسئولینو، د کیفیت تضمین آمریت کارکوونکو او د پوهنې آمریتونو د غړو لپاره، د ارقامو او احصائیوي معلوماتو د راټولولو په موخه د وړتیا لوړونې روزنیز سیمینار پرانیست.
ورپسې د پوهنې وزارت د احصائیې رئیس په هغه غونډه کې ګډون وکړ، کوم چې د احصائیې څانګې د ۵۵۸ تنو کارکوونکو، د مرکز او ولسوالیو د ښوونیزو ادارو مسئولینو ته د مسلکي وړتیا لوړولو په موخه جوړه شوې وه.
د غونډې په پيل کې د پروان پوهنې رئيس مولوي سيد محمد فيضي ورغلي پلاوي ته د ښه راغلاست ترڅنګ، د تعلیمي بنسټونو د کارکوونکو او مسئولينو لپاره د دغه ډول سيمينارونو جوړېدل ضروري وګڼل.
له بلې خوا د پوهنې وزارت د احصائیې رئیس په خپلو خبرو کې د کارکوونکو د کاري او مسلکي وړتیاوو لوړول د چارو د لاښه پرمختګ یو مهم بنسټ وباله او له ګډون والو یې وغوښتل تر څو د یاد سیمینار له منځپانګې څخه اعظمي ګټه پورته کړي.
