د پوهنې وزارت د دعوت او ارشاد د رئیس په مشرۍ یو پلاوی کندز ولایت ته ولاړ
د پوهنې وزارت د دعوت او ارشاد رئیس الحاج مولوي جمعه خان سروري او ورسره مل پلاوی، د یو لړ رسمي چارو ترسره کولو په موخه کندز ولایت ته ورسېد.
په پیل کې د پوهنې وزارت د دعوت او ارشاد رئیس د دغه ولایت د پوهنې ریاست له رئیس مولوي حزب الله مبشر، مسئولینو او کارکوونکو سره په جوړه شوې غونډه کې ګډون وکړ او د یاد پلاوي د موخو په اړه یې هر اړخیزې خبرې وکړې.
نوموړي د خپل سفر اساسي موخې، پوهنې ریاست لپاره د یو تن امام او مبلغ معرفي کول او د دعوت او ارشاد ریاست د نصاب له درسونو څخه څارنه وبلله.
د پوهنې وزارت د دعوت او ارشاد رئیس د خپلو خبرو په ترڅ کې کارکوونکو ته لارښوونه وکړه، چې د اسلام د ستر پیغمبر حضرت محمد "صلی الله علیه وسلم" سیرت او سنتو ته په جدي توګه پاملرنه وکړي او له مسئولینو یې وغوښتل چې د هېواد بچیان په اسلامي روحیه وروزي.
