د کابل ولایت په یو شمېر ښوونځیو کې د ۲۸۹ زره افغانیو په لګښت د څښاک پاکو اوبو څاګان وکیندل شول
د کابل ولایت په کلکان ولسوالۍ کې د آقا سرای، امیر حبیب الله، خواجه او بوینقره ښوونځیو لپاره د څښاک پاکو اوبو د څلورو حلقو څاګانو کیندلو پروژه، چې څه موده وړاندې د ۲۸۹ زره ۷۰۰ افغانیو لګښت سره د کابل ولایت د پوهنې ریاست په همکارۍ د یو تن معارف دوست شخص له لوري پیل شوې وه، نن د کابل ولایت پوهنې رئیس مولوي عبدالحق حقاني له خوا پرانیستل شوه.
د کابل ولایت پوهنې رئیس له یادو ښوونځیو څخه د لیدنې او کتنې پرمهال د څښاک پاکو اوبو ته د زده کوونکو لاسرسي په موخه د دغو څاګانو له کیندلو هرکلی وکړ.
د پوهنې وزارت رهبري د ښوونیز نظام لاښه والي په برخه کې د هېواد د خلکو له مادي او معنوي ملاتړ مننه کوي.
