د پوهنې وزارت د ساینس مرکز رئیس غزني ولایت ته رسمي سفر وکړ
د پوهنې وزارت د ساینس مرکز د رئیس ډاکټر محمد عمر «دوران زي» په مشرۍ یو پلاوي غزني ولایت ته د رسمي سفر په ترڅ کې، له پوهنې رئیس الحاج مولوي میر نصیر احمد «حسیني» او مسئولینو سره وکتل.
په همدې غونډه کې، یاد پلاوي غزني ته د خپل سفر اساسي موخه تشرېح او څرګنده یې کړه چې؛ د تړل شویو ښوونځیو د وضعیت تحلیلول او د هغوی د تړل کېدو د لاملونو ارزونه او څېړنه یې د خپل سفر بنسټیزه موخه ده.
د غزني ولایت پوهنې رئیس پلاوي ته د ښه راغلاست پرمهال، د ټولو تړل شویو ښوونځیو د ستونزو حل لپاره د هر ډول همکارۍ ژمنه وکړه.
