د لوګر ولایت د ۲۸۸ بابه ښوونځیو لپاره د درسي کتابونو وېش لړۍ پیل شوه
د لوګر ولایت پوهنې ریاست پورې اړوندو ۲۸۸ بابه ښوونځیو لپاره د ۳۱ مېلیونه افغانیو څخه په زیات لګښت، د ښوونکو او زدهکوونکو لپاره د کتابونو او درسي موادو وېش پروسه پیل شوه.
یاد کتابونه او تعلیمي مواد د پوهنې وزارت سره د یوې همکارې ادارې لخوا چمتو شوي دي، چې ټولټال لګښت یې شاوخوا ۳۱ مېلیونه او ۴۹۳ زره افغانۍ اټکل شوی دی.
په یادو درسي موادو کې، د اصول صنفي ټولګیو ۱۱۸ زره ۶۹۸ ټوکه درسي کتابونه، د ښوونځیو لپاره ۲۵۸ اداري کڅوړې، د ښوونکو لپاره ۲۰۰۳ دتدریسي موادو کڅوړې، د زدهکوونکو لپاره درسي موادو ۲۵۶۵ کڅوړې او د مارکرونو د رنګونو ۱۰۹ بستې شاملې دي، چې د ټاکل شوي سهم سره سم به د یادو ښوونځیو د ۲۰۰۳ تنو ښوونکو او ۵۱ زره ۳۰۰ تنه زدهکوونکو ته ووېشل شي.
د پوهنې وزارت مشرتابه د همکارو ادارو له دوامداره مرستو څخه مننه او ستاینه کوي.
