د پوهنې په مرکزي وزارت او د بشري سرچینو په لوی ریاست کې ددوه بابه جامع مسجدونو د بنسټ ډبرې کښېښودل شوې
د پوهنې وزارت د سرپرست وزیر شیخ مولوي نورالله منیر له لوري په مرکزي وزارت او د بشري سرچینو په لوی ریاست کې د دوه بابه جامع مسجدونو د بنسټ ډبرې کښېښودل شوې.
یاد درې پوړېز جامع مسجدونه چې د الخیر فاونډیشن په مالي مرسته جوړېږي، په یو وخت کې به د سلګونو لمونځ کوونکو د ځایولو ظرفیت ولري.
د یادو مسجدونو د بنسټ د ډبرو د اېښودلو په مراسمو کې د پوهنې وزارت محترم وزیرصاحب د الخیر فاونډیشن له مؤسس او مسئول ښاغلي امام قاسم رشید احمد څخه مننه وکړه، چې د یادو مسجدونو د آبادولو ټول لګښتونه یې په غاړه اخیستي دي او نوموړي ته یې د الله تعالی له دربار څخه د لا نورو خیریه چارو د سرته رسولو د توفیق غوښتنه وکړه.
