د پوهنې وزارت با صلاحیته پلاوی بغلان ولایت ته ورسید
د پوهنې وزارت د اساسي او ثانوي زده کړو د ریاست د رئیس محترم مولوي محمداسحق حقیقي په مشري لېږل شوی څلور کسیز پلاوی د تیرې دوشنبې په ورځ د بغلان ولایت مرکز پلخمري ته ورسید.لومړی یې د یاد ولایت د پوهنې له رئیس،تدریسي آمر او نورو مسئولینو او کارمندانو سره وکتل، دخپل سفر اهداف یې ورته تشریح کړل، وروسته یې د بغلان ولایت څلورو ولسوالیو(مرکزي بغلان، بنو، ده صلاح او نهرین) ته هیئتونه واستول، ترڅو د یادو ولسوالیو تعلیمي بهیر له نږدې څخه و ارزوي. همدارنګه یې د یاد ولایت د ښوونځیو په استازیتوب د بي بي آمنه لیسې څخه هم لیدنه وکړه، اړونده مسئولینو ته یې د پوهنې وزارت د مشرتابه لارښوونې او هدایات ورسول او هم یې د هغوی وړاندیزونه، غوښتنې او ستونزې له نږدې څخه واوریدلې.
