میدان وردګو ولایت کې د خلکو په شخصي لګښت د یوه ښوونځي د بنسټ ډبره کېښول شوه
له پوهنې وزارت سره د خلکو د مرستو په دوام دا ځل د میدان وردګ ولایت په سالار سیمه کې د ځایي خلکو په مرسته د شنیز کلي د منځني ښوونځي د بنسټ ډبره کېښودل شوه.
د مسئولینو په وینا: د یاد ښوونځي ودانۍ یوه اداره او ۵ درسي خوني لري، چې د جوړېدو ټول لګښت یې د سیمې د خلکو له لوري ورکول کېږي.
د یاد ولایت د پوهنې ریاست مشرتابه، د خلکو له مرستو څخه مننه وکړه او دا نېک اقدام یې جاري صدقه وګڼله.
د یادونې وړ ده، چې اوس مهال د دې ښوونځي زده کوونکي په یوه کرایي کور کې زده کړې کوي.
