د پوهنې وزارت د دعوت او ارشاد ریاست د کړنو «اوونیز راپور»
له شنبې۱۴۴۵/۱۲/۱۵هه ق تر پنجشنبې ۱۴۴۵/۱۲/۲۰هه ق، (۱۴۰۳/۴/۲ تر ۱۴۰۳/۴/۷ لمریز).
په تېره اوونۍ کې هم د پوهنې وزارت د دعوت او ارشاد ریاست په لارښوونه، له ټاکل شوي مهالوېش سره سم هره ورځ د مرکزي هستې او د ښار اړوندښوونیزو ناحیو په ټولو ښوونیزو بنسټونو کې دیني درسونو دوام درلود او د یاد ریاست د مبلغینو له لوري د هغوی درسي بهیر هم له نبږدې څارل شوی دی.
ددغو لیدنو په ترڅ کې د دعوت او ارشاد ریاست مسئولينو او مبلغینو، د یادو ادارو کارکوونکو ته ديني لارښوونې وکړې او له هغوی يې وغوښتل، تر څو خپل صورت او سیرت د رسول الله «صلی الله علیه وسلم» په سنتو برابر او همدارنګه د دیني درسونو په حلقو کې په جدي ډول برخه واخلي.
په ورته مهال له ولایتونو څخه د دعوت او ارشاد ریاست ته راغلي راپورونه ښيي، چې په تېره اوونۍ کې د دعوت او ارشاد مسئولینو له لوري په ټولو ښوونیزو ادارو او بنسټونو کې دیني درسونه روان وو.
