په میدان وردګ ولایت کې د ښوونځیو د ښوونکو او مدیرانو د مسلکي وړتیا لوړولو لپاره «د عملي درسونو څارنه» یو اغېزمن ګام دی
د "کوچنګ" پروګرام، چې په ټولګیو کې د ښوونکو د تدریس څارنه او مشاهده کول پکې شامل دي، د میدان وردګ ولایت په ناصریان، حامد کرزي، حضرت علي او حضرت عباس ښوونځيو کې "د مدیرانو، سرښوونکو او ښوونکو لپاره «د ساعتوار، کلني او مسلکي پراختیا پلانونو چمتو کولو او تنظیمولو" تر سرلیک لاندې ترسره شو.
د پورته ذکر شوي پروګرام یو تن تنظیموونکي استاد غزالالدین وویل:
یاد پروګرامونه د مدیرانو او ښوونکو د مسلکي وړتیاوو لوړولو، د تدریسي مېتودونو د روشونو ترویج، د تدریسي او اداري ننګونو حل او همدارنګه د ښوونکو لپاره د ساعتوار، کلني او مسلکي پراختیا پلانونو چمتو کولو او تنظیم په موخه طرحه او پلي شوي دي."
نوموړي زیاته کړه چې په ښوونځیو کې رامنځته شوي تعلیمي فرصتونه د تجربو تبادلې، د ګډو ستونزو حل کولو او د زدهکړې کیفیت لاښه کولو لپاره چمتو شوي دي.
د هغه په وینا، په پلان جوړونې کې د نویو مېتودونو کارول او د ښوونکو مسلکي ودې ته پاملرنه د میدان وردګ ولایت په ښوونځیو کې د زدهکړې کیفیت لاښه والي په لور یو مهم ګام دی.
