په لغمان ولایت کې د یو باب ښوونځي لپاره د نوې ودانۍ جوړولو کار پیل شو
د لغمان ولایت په فرشغان ولسوالۍ کې د منجغان لومړني ښوونځي د نوې ودانۍ جوړولو چارې د درې بسوې ځمکې په ساحه کې پیل شوې.
دغه ځمکه د سیمې د علمپرورشخصیت حاجي سید علي له خوا وقف شوې او لګښت یې شاوخوا ۵۰۰ زره افغانۍ دی چې د سیمې د خلکو په مالي ملاتړ برابر شوی دی.
د پوهنې مسوولینو په وینا، یاده ودانۍ به شپږ درسي خونې، معیاري تشنابونه، احاطوي دېوال او نور اړین ملحقات ولري، چې په جوړېدو سره به د لسګونو زدهکوونکو لپاره مناسب تعلیمي چاپېریال برابر شي.
