د پوهنې وزارت د نتایجو او شهادتنامو ریاست پلاوي غزني ولایت ته سفر وکړ
د پوهنې وزارت د نتایجو او شهادتنامو ریاست د رئیس محترم مولوي عبدالقدیم محمد آخندزاده په مشرۍ یوه پلاوي غزني ولایت ته سفر وکړ او هلته یې د پوهنې له رئیس محترم الحاج مولوي میرنصیر احمد حسيني سره په یوه غونډه کې وکتل.
ورپسې نوموړي د غزني پوهنې ریاست د نتایجو او شهادتنامو مدیریت له کارپوهانو سره وکتل او د چارو لاښهوالي په موخه یې اړینې لارښوونې ورته وکړې.
دغه پلاوي د ارزونې په ترڅ کې د یو شمېر ښوونځیو تعلیمي پایلې هم وڅېړلې او د اسنادو او پایلو د ثبت، تنظیم او پروسس بهیر یې له نږدې وارزاوه.
