له مرکز او ولایتونو څخه د پوهنې خبرونو لنډیز
غزني
د غزني ولایت پوهنې رئیس الحاج مولوي میرنصیر احمد حسیني، په یاد ولایت کې د روږدو کسانو درملنې مرکز له ښوونیزو بهیر څخه لیدنه وکړه او د هغوی د پوښتنې په ترڅ کې یې د ښوونیزو پروګرامونو د تطبیق څرنګوالی و ارزاوه.
د غزني پوهنې رئيس په نشه يي توکو روږدو کسانو ته د ښوونيزو توکو د وېشلو پر مهال له ښوونکو وغوښتل، تر څو د هغوى زده کړو او سواد کچې لوړولو ته جدي پاملرنه وکړي.
دایکنډي
د دايکنډي ولايت پوهني رياست اداري غونډه د پوهني رئيس قاري عنايت الله سهار تر څآرنې لاندې د ياد رياست د آمرینو او مديرانو په ګډون جوړه شوه.
په یاده غونډه کې د تېرو کړنو او د راتلونکې اوونۍ د پلانونو په اړه نظرونه تبادله شول.
بادغیس
د بادغیس ولایت پوهنې رئیس مولوي محب الله احسان د پوهنې په برخه کې د همکارې ادارې له استازو سره وکتل او رسمي ښوونځيو ته یې د سیمه ییزو ټولګیو د انتقال په اړه نظرونه تبادله کړل.
په یاده ناسته کې د نویو زده کوونکو د شاملولو په اړه هم خبرې وشوې.
کابل
د کابل ښار پوهنې رئیس قاري عبدالباسط حقاني د انجنیرۍ له ټېم سره په ګډه د آریانا، عبدالغفور احمدي او بي بي مهرو د نجونو ښوونځیو د بیارغونې له چارو څخه څارنه وکړه او د ساختماني موادو د ښه کیفیت او ترمیم په اړه یې له شرکت سره خبرې وکړې.
ننګرهار
د ننګرهار پوهنې ریاست د حصارک او شېرزادو ولسوالیو د شپږو ښوونځیو د مدیرانو او ښوونکو لپاره روغتیايي سیمینار جوړ کړ.
په یاد سیمینار کې د روغتیایي مدیریت روزونکو ګډون والو ته د شخصي حفظ الصحې او چاپېریال ساتنې په برخو کې روزنه ورکړل شوه.
