د لوګر له ۳۰۳۴ ښوونکو سره نغدي مرسته وشوه

د لوګر په ولایت کې د نجونو او هلکانو د  شته ۳۱۲ دولتي ښوونيزو مرکزونو له ۳۰۳۴ ښوونکو سره نغدي مرسته وشوه. 
دا مرسته د پوهنې ریاست د غوښتنې له مخې، د پوهنې وزارت په هڅو، د ملګرو ملتونو د ماشومانو نړیوال صندوق یا یونیسف کړې ده.
له ښوونکو سره یاده نغدي مرسته، د معاشونو د اکونټونو له لارې شوې ده،چې هر ښوونکي ته د ۱۰۰ امریکایي ډالرو معادل افغانۍ حواله شوي دي.
د لوګر د پوهنې رئیس ښاغلی مولوي جنت ګل عزیز له ښوونکو سره پر یادې نغدي مرستې ډېره خوښي څرګندوي او وایي، چې د ښوونکو اقتصادي حالت زیات خراب دی. 
د پوهنې رئیس له نورو مرسته کوونکو مٶسسو غوښتنه کوي،چې د ښوونکو د اقتصادي ستونزو د حلولو لپاره دا ډول نورې مرستې هم وکړي. 
د یادونې وړده، چې په لوګر کې دا لومړی ځل دی، چې د ښوونځیو له ښوونکو سره د یوې مرستندویه مٶسسې له خوا نغدي مرسته کېږي.