د هرات ولایت پوهنې ریاست او د جامي خصوصي پوهنتون ترمنځ د همکارۍ هوکړهلیک لاسلیک شو
د هرات ولایت پوهنې ریاست او د جامي خصوصي پوهنتون ترمنځ د دوه اړخیزې همکارۍ تړون، د یاد ولایت پوهنې رئیس مولوي رحمت الله جابر او د دغه پوهنتون د رئیس ډاکټر میر محمد ایوبي لخوا لاسلیک شو.
د دغه تړون د لاسلیکولو اساسي موخه د پوهنې لاپیاوړتیا، د یاد پوهنتون له آسانتیاوې او لابراتوارونو څخه د ښوونځیو د زدهکونکو ګټه اخیستنه، د ښوونکو او زدهکونکو د وړتیا لوړولو لپاره ورکشاپونه او سیمینارونه جوړول، د هرات ولایت د رسمي ښوونځیو د زرغون چاپېریال په پراختیا او ښه کولو کې ګډه همکاري، د پوهنې مسئولینو لپاره د جامي طبي روغتون له ځانګړیو روغتیایي تخفیفونو څخه ګټه پورته کول او د پوهنې منسوبینو لپاره د کلنيو تحصیلي سکالرشپونه ځانګړي کول دي.
په همدې مناسبت په جوړه شوې غونډه کې، دواړو خواوو د متقابلې همکارۍ په پراختیا ټینګار وکړ او د پورته ذکر شوي تړون لاسلیکول یې د علمي او ښوونیزو چوپړونو لاپراختیا پر لور یو بنسټیز ګام وباله.
