د ولایتونو له پوهنې څو خبرونو ته لنډه کتنه
کابل
د کابل ولایت پوهنې ریاست له ۶۱ تنو هغو زدهکوونکو څخه چې هېواد ته راستانه شوي دي، د یاد ولایت په ۱۴ ولسوالیو کې د سویې د تثبیت ازموینه واخیسته.
په پلان کې ده چې یاد زدهکوونکي د ازموینې د نتایجو له مخې د خپلې تعلیمي کچې مطابق په ښوونځيو کې شامل شي.
سرپل
په سرپل ولایت کې پنځه ورځنی مسلکي سیمینار پیل وشو، چې ۶۸ تنه آمرین، مدیران، سرمعلمان او ښوونکي یې ګډونوال دي.
د یاد ولایت پوهنې رئیس له ګډونوالو غوښتنه وکړه چې د اداري او تدریسي مېتودونو زده کړې لپاره دې له دغه فرصت څخه ښه ګټه پورته کړي.
دایکنډی
د دایکنډي په مرکز نیلي ښار کې شپږ ورځني روزنیز ورکشاپ د ښوونې او مؤثرې زدهکړې ترویج لپاره د ۵۵ ښوونکو په ګډون سره پیل شو.
د پوهنې مسئولینو وویل چې د ۱۴۰۴ کال په جریان کې ۱۲۰۰ تنو ښوونکو د مسلکي پرمختګ پروګرامونه بشپړ کړي دي.
کونړ
د کونړ ولایت اسمار ولسوالۍ اړوند مرکزي لېسې لپاره د ۱۵۱ زره افغانیو په لګښت د لمریزې برېښنا سیسټم فعال شو.
د مسئولینو په وینا، دغه سیسټم د اسمار ولسوالۍ یو تن اوسېدونکو لخوا چمتو شوی و.
