د پوهنې وزارت د مرکزي رئیسانو او نیز مجلس دائر شو
تر غرمې وروسته د پوهنې وزارت د کنفرانسونو په تالار کې د یاد وزارت د ښوونې او روزنې معینیت د معین الحاج مولوي سخاء الله سعید په مشرۍ د یاد وزارت د مرکزي رئیسانو(۳۰) اونیز مجلس دائر شو .
په دې مجلس کې چې د یاد وزارت په مرکزي رئیسانو برسیره معینانو هم برخه درلوده،د اسلامي تعلیماتو دمعین الحاج مولوي کرامت الله اخندزاده په مشرۍ یو پنځه کسیز هیئت ته دنده وسپارل شوه ترڅو د د دیني مدارسو د هغو طالبانو او فارغانو لپاره چې په اسنادو او تذکرو کې یې نومونه توپیر لري یوه طرحه جوړه او د وزارت له مقام سره یې شریکه کړي. همدارنګه د اسلامي تعلیماتو معینیت ته دنده وسپارل شوه ترڅو سږکال چې د مدارسو له طالبانو او فارغانو څخه د حدیثو د دورې او وړې دورې ازموینې واخیستل شوې د هغوی د ازموینو د پاڼو دکتلو او نتائجو د جوړولو او همدارنګه د دارالعلومونو د زده کوونکو د لیلیې لپاره یوه جامع طرحه جوړه او د وزارت له مقام سره یې شریکه کړي. د اساسي او ثانوي زده کړو د رئیس مولوي محمداسحق حقیقي په مشرۍ د پوهنې وزارت او بهرنیو او داخلي موسساتو تر منځ د ترسره شویو توافق نامو د کتنې لپاره مؤظف شوي هیئت ته دنده وسپارل شوه ترڅو د ترکیې د معارف له بنسټ سره ترسره شوې توافق نامه یو ځل بیا وګوري او د یادې توافق نامې د تعدیل یا په خپل حال پاتې کېدلو لپاره د وزارت له مقام سره خپل نظر شریک کړي. غونډه ددعائیې په لوستلو سره پای ته ورسیده .
